эксперимент аясындағы семинар

№12 орта мектебінде «Өрлеу» БАҰО «Жаңартылған бағдарлама негізінде бастауыш сыныптардағы пәндер бойынша сабақтарды жоспарлау барысында шығармашылық тапсырмаларды пайдалану жолдары» тақырыбында эксперименттік-тәжірибелік жұмыс үш жылға жоспарланған. Осы орайда 21.11.2019 жылы эксперимент жұмысы бойынша, «Өрлеу»Біліктілікті Арттыру Ұлттық орталығының оқытушысы, алаң жетекшісі Зейнеп Зікрияновна Асемжанованың ұйымдастыруымен «Шығармашылық тапсырмаларды сабақ барысында қолдану арқылы оқушылардың функционалдық сауаттылығын арттыру» тақырыбында мектепішілік семинар өткізілді. Семинарға «Өрлеу» БАҰО аға оқытушысы М.Мұхамадиева, Іле ауданы бойынша бастауыш сынып мұғалімдерінің шығармашылық тобының жетекшісі А.Есжанова қатысты.
Семинар барысында «Бастауышта білім беру-бастапқы білім көзі, баспалдақтың алғашқы қадамы» демекші бастауыш сынып мұғалімдері 2 сынып мұғалімдері Мусанова Нейла «Қосу мен азайту», Г.Жанузакова «Қозғалыс сыры», Оспанова Қамар «Қаңқа құпиясы», 3 сынып мұғалімдері М.Құнанбаева «Жүйке жүйесін қандай мүшелер құрайды», «Г.Тайырова «Күзгі уақыт», Ж.Атамбаева«Спорт-денсаулық кепілі», Ғ.Маметбаева А.Құнанбаевтың «Ғылымға көңіл бөлсеңіз» және 4 сынып мұғалімі Е.Охасова«Заттардың қасиеттері» тақырыбында ашық сабақ өткізсе, 4 сынып мұғалімі Тулемисова Алмагүл «Оқушының шығармашылық белсенділігін қалыптастыруда топтық жұмыстың ролі» тақырыбында тренинг өткізіп, мұғалімдермен өз тәжірибесін бөлісті.